Жиззах вилоятида фаолият юритувчи “Осиё” МЧЖ (номи ўзгартирилган) шартнома бўйича тўловларни ундиришда амалий ёрдам сўраб, Бизнес-омбудсманга мурожаат қилди.

Маълум бўлишича, Жамият ва Жиззах шаҳар ҳокимлиги ўртасида хизмат кўрсатиш тўғрисида шартнома тузилган. Унга мувофиқ, Жамият томонидан мажбуриятлар тўлиқ бажарилган бўлсада, ишлар учун тўловлар амалга оширилмаган.

Шунга кўра, Бизнес-омбудсман томонидан Жамият манфаатида Жиззах туманлараро иқтисодий судига даъво ариза киритилиб, суднинг ҳал қилув қарори билан Жиззах шаҳар ҳокимлиги ҳисобидан Жамият фойдасига 320,1 миллион сўмлик қарздорликни ундириш белгиланди.