Бугун, 11 февраль куни Бизнес-омбудсман Д.Касимов АҚШнинг Тошкентдаги элчихонасининг сиёсий ва иқтисодий масалалар бўйича маслаҳатчи М.Л.Нейсулер хоним билан учрашди.

Учрашувдан кўзланган мақсад – Бизнес-омбудсман институтининг фаолияти билан яқиндан танишиш ҳамда икки томонлама ҳамкорлик масалаларини муҳокама қилишдан иборат бўлди.

Учрашув давомида Ўзбекистондаги бизнес муҳитини яхшилаш борасида амалга оширилаётган ишлар, тадбиркорларнинг ҳуқуқ ва қонуний манфаатларини ҳимоя қилиш механизмлари ҳақида батафсил маълумот берилди. Шунингдек, томонлар икки томонлама ҳамкорликни ривожлантиришнинг истиқболли йўналишларини муҳокама қилдилар.